去到箱根旅行又點少得去呢度其中一個好出名嘅景點 - 雕刻之森美術館，不但可以打卡之餘，仲可以感受吓藝術氣氛同大自然嘅風景，去完人都特別有文化氣息同精神。😆🎨
雕刻之森美術館位於山間，四周被好多綠樹同花草環繞，營造出一個寧靜而舒適嘅氛圍。美術館本身係一座現代風格嘅建築，主要展示嘅係當代藝術品，特別係雕塑作品，仲有好多大型雕塑作品坐落喺藝術館戶外好多好大嘅唔同展區。可以用行走嘅方式，一路欣賞戶外嘅作品同佢哋打卡，仲可以欣賞途中嘅風景同箱根好靚嘅自然風光。
▪️「網展館之森」&「Symphonic Sculpture，幸福的交響樂雕塑」
而一進入美術館嘅戶外展覽區，你會見到各種精心製作嘅雕塑作品，用嘅材料種類好多，包括金屬、石頭、木材等。而且每件作品嘅風格同主題都好獨特，有啲係抽象嘅，有啲就係具象啲嘅。而其中覺得最有創意同驚嘆嘅藝術裝置係「網展館之森」，木條建造嘅外觀入邊係用彩色繩編織成網嘅互動藝術品，小朋友可以喺度攀爬同嬉戲！另外「帶來幸福的交響樂雕塑」都係必去，係一座有18公尺高嘅塔，房間入面係用碎彩色玻璃鑲嵌而成，外界嘅光線照射入來，不同嘅折射同透射，創造出一個超級靚又神奇嘅世界。📸😍
▪️畢加索館
其中一個最驚喜同最鍾意嘅地方就係畢加索館。估唔呢個館收藏咗畢加索大量嘅藝術創作，有唔同類型藝術品包括素描畫、油畫、版畫、雕塑、仲有佢晚期好多的陶瓷品珍藏，分開咗幾個室內展館，想要行晒都可以花上成個鐘。
▪️戶外足浴溫泉
最特別嘅係呢度仲有水浸腳嘅足浴溫泉可以一路浸住腳享受大自然嘅景色同埋戶外藝術品！
▪️超靚大型落地玻璃藝術館cafe
呢間藝術館嘅餐廳好靚，有一個好大片嘅落地玻璃,而且店內嘅椅子十分特別，而且向窗口擺放，可以坐喺度望住戶外嘅藝術品，一路嘆住咖啡，真係超級寫意!
如果你同我一樣對藝術同大自然有興趣嘅話，雕刻之森美術館絕對值得一遊。不單止可以欣賞到好靚嘅藝術作品，同時又可以享受到箱根嘅自然風光。記得喺計劃行程之前，可以上網睇清楚美術館嘅營業時間同門票資訊喇！
收費：
成人：1,600日圓
大學生：1,200日圓
中、小學生：800日圓
開放時間：
星期一至日：9am - 5 am
*價錢和開放時間截至2024年1月。
*詳情請參閱官方網頁
www.hakone-oam.or.jp
交通：
從東京出發東京出發搭新幹線或JR電車到「小田原」站，轉乘「箱根登山鐵道」到達「箱根湯本站」再乘到「彫刻の森」站下車，步行5分鐘
雕刻之森美術館
The Hakone Open-Air Museum
www.hakone-oam.or.jp
📍神奈川県足柄下郡箱根町二ノ平 1121
🎌推介程度：❤️❤️❤️❤️❤️
#箱根 #必去 #日本首個 #戶外美術館 #雕刻 #雕刻之森美術館 #美術館 #TheHakoneOpenAirMuseum #Museum #art #藝術 #小田原站 #東京近郊 #人氣景點 #旅遊 #推介 #必到 #日本 #日式 #日本之旅 #japan #自由行 #必去 #好去處 #熱門菜式 #打卡 #攻略 #chill #週末 #快閃之旅 #日本之旅 #旅行打卡
👍🏻
